• 29 Mart 2024

İslama görə qalstuk taxmaq…

Sual: Deyilənə görə qalstuk geyinmək yəhudi və xristianlara oxşamaq deməkdir. Bu düzdür? İslam dinində qalstuk taxmağa necə baxılır?

Cavab: Muhəmməd peyğəmbərin (s) hədisindəki: “Yəhudi və xaçpərəstlərə oxşamayın”, – sözü geyimlə deyil, dinin hökmlərini həyata keçirməklə əlaqədardır. Yəni, bu o deməkdir ki, öz əməllərinizlə onlara bənzəməyin.

Qurani-Kərim və Sünnədə istər kişi, istərsə də qadın olsun, müsəlmanlar üçün vahid bir geyim tərzi nəzərdə tutulmur. Hər bir müsəlman yaşadığı bölgənin adət-ənənəsinə əsasən geyinir. Əsas odur ki, bu geyim elementləri insanın övrət yerlərini örtsün və çox nazik olmasın. Paltarın altı görünməsin.

Keşiş paltarı kimi simvol halına gələn və ya haham geyimi kimi bir şeyin rəmzinə çevrilmiş paltarları geyinmək İslam dinində caiz hesab olunmur. Başqa sözlə, bu cür geyinmək düzgün deyil. Çünki o paltarları kim geyinirsə, onlara oxşamaq istəyini büruzə verir. Lakin qalstuk, pencək və şalvar kimi geyim elementləri bir dinin rəmzi olan geyimlər deyil. Ona görə də bunları geyinməyin və qalstuk taxmağın bir eybi yoxdur.

Read Previous

Zəvvarlarımıza yeni xəbər var

Read Next

QURBANIN HİKMƏTİ

One Comment

  • YARADAN-nın SALAMI olsun sizlərə.YA RƏBB bizləri SƏNİN Haqq və Həqiqətlərni görməkdə və qəbul eməkdə KÖMƏK olki Dərgahına yetişə bilək.AMİN……..

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.