• 19 Mart 2024

Mədrəsələrin yaradılacağı bölgələrin adları açıqlandı

medreseYeni mədrəsələrin açılması istiqamətində intensiv hazırlıq işləri görülür.

“Bakı şəhərində və Azərbaycanın bir sıra bölgələrində yeni mədrəsələr fəaliyyətə başlayacaq”.

Oxu.Az xəbər verir ki, bunu “Report”a açıqlamasında Dini Qurumlarla İş üzrə Dövlət Komitəsinin sədr müavini Səyavuş Heydərov deyib.

O bildirib ki, ölkə rəhbərliyi yeni mədrəsələrin açılması barədə tapşırıq verib:

“Mədrəsələrin yaradılması prosesinə Qafqaz Müsəlmanları İdarəsi rəhbərlik edir. Ölkə rəhbərliyi bununla bağlı Dini Qurumlarla İş üzrə Dövlət Komitəsinə də göstəriş verib. Dövlət Komitəsi də prosesdə iştirak edir.

Azərbaycanda yeni mədrəsələrin açılması istiqamətində intensiv hazırlıq işləri görülür”.

S.Heydərovun sözlərinə görə, Bakıda Heydər məscidinin nəzdində, Gəncədə və Lənkəranda mədrəsələrin yaradılması nəzərdə tutulub. Onun sözlərinə görə, mədrəsə məzunları Qafqaz Müsəlmanları İdarəsi tərəfindən məscidlərə imam və axund qismində təyin olunacaqlar.

Mənbə:oxu.az

Read Previous

İyul 2016

Read Next

İslam mövsümlük paltar deyil

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.