• 19 Mart 2024

Şəkidə Orta Məktəblərin Şagirdləri Üçün Milli-Mənəvi Dəyərlərə Dair Təlimlərə Start Verildi

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maddi dəstəyi ilə Gəncliyə Yardım Fondu “Orta Məktəblərin Şagirdləri üçün Milli-Mənəvi Dəyərlərə Dair Təlimlərin Təşkili” adlı layihənin icrasına  başlayıb. Layihənin  davamı olaraq Şəki şəhər Rəşid bəy Əfəndiyev adına 10 nömrəli tam orta məktəbdə və Şəki şəhər 5 saylı tam orta məktəbin şagirdlərinə  maarifləndirmə seminarları keçirilib. Təşkil edilən seminarlarda orta məktəb müəllimləri və şagirdlər  iştirak edib.  Seminarlar orta məktəb rəhbərliyi tərəfindən təyin  edilmiş şagirdlərə təhsil mütəxəssisləri tərəfindən üç günlük periodlarla verilir. Əvvəlcədən layihənin məqsəd və tələblərinə uyğun olaraq müəyyənləşdirilmiş mövzular üç gün ərzində şagirdlərə təqdim ediləcək.

Qeyd edək ki, Gəncliyə Yardım Fondu layihə çərçivəsində Bakı, Şəki və Zaqatala bölgələrində yeniyetmə və gənclərdə milli şüurun, vətən sevgisinin, milli kimlik və dövlətçilik anlayışının formalaşması, vətən və dövlət qarşısında məsuliyyət hisslərinin artırılması, milli-mənəvi dəyərlərə hörmətlə yanaşmaq, ölkədəki tolerantlıq mühitinin qorunub-saxlanılması istiqamətində maarifləndirici işlər görmək və əxlaqi dəyərlərin əhəmiyyəti istiqamətində orta məktəblərdə təlimlərə davam edir.

Mənbə: gyf.org.az

 

Read Previous

Şəki Mərkəzi Cümə Məscidi Quran ziyafəti. Araz Abdullayev. Zümər Surəsi 73-75

Read Next

Allahı (c.c) tanımaq

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.