Müşfiq Xəlilov 
Misirdə, kovid-19 pandemiyası səbəbindən qapadılmış məscidlərdə ramazanın son 10 günündə təravih namazları qılınacaq. İslamveirfan.com xəbər verir ki, bu barədə “Əzhər” qurumunun bəyanatı yayılıb.
Bəyanatda, bu ibadətlərin ictimaiyyətə açıq olmayacağı, namazlarda sadəcə məscid əməkdaşları ilə dezinfeksiya heyətinin iştirak edəcəyi bildirilib. Həmçinin, təravih namazlarının “Əzhər”in rəsmi Facebook səhifəsindən canlı yayımlanacağı da qeyd edilib.
Qeyd edək ki, hazırda Misirdə 6 465 kovid virusunun daşıyıcısı var və onlardan 429 nəfər dünyasını dəyişib.
/Anadolu/