Təsbeh namazı camaatla birlikdə qılına bilərmi?

İslam mənbələrimiz, təsbeh namazını camaatla qılınan nafilə namazlar arasında saymamışlar. Bu mövzuda Hz. Peyğəmbərimizdən (s) bir rəvayət nəql edilmədiyindən, təsbeh namazının camaatla deyil tək başına qılınması daha münasibdir.

Mənbələrimizdə nafilə namazlardan yalnız təravih, kusuf (günəş tutulması) və bir görüşə görə istisqa (yağış duası) namazının camaatla qılınması məşru görülmüşdür. Bunların xaricindəki bütün sünnə və nafilə namazların camaatla qılınması məkruhdur. (Səraxsi, əl-Məbsut, II, 144).