“Sünni qardaşlarıma qarşı zülm və zorakılığa görə üzr istəyirəm” – Müqtəda əs-Sədr

Müqtəda əs-Sədr İraq hökumətinin zorakılığına görə sünni müsəlmanlardan üzr istəyib.

İraqın Nəcəf şəhərində keçirilən islam Birliyinin Simvolu Fatimə əz-Zəhra Beynəlxalq Konfransın açılış mərasimində çıxış edən Müqtəda əs-Sədr müsəlmanların birləşməsinin vacibliyini vurğulayıb.
Baş nazir Maliki hökumətinin təzyiq və zorakılığından əziyyət çəkən sünni müsəlmanlardan üzr istəyən Sədr Allahın, Peyğəmbərinin və Əhli-Beytinin məzhəb toqquşmalarının olduğu islam ölkələrindən razı qalmayacağını deyib.
Sədr Səddam Hüseynin vaxtilə sünni ordularından şiə vətəndaşlara qarşı istifadə etdiyini, indi isə Maliki hökumətinin şiə qüvvələrdən sünnilərə qarşı müharibə apardığını bildirib.

/azerimuslims/