Dəyanət BABAYEV 
Portuqaliyada okean sahilində istirahət edən tələbələri dalğa aparıb. ANS PRESS-in Rusiya mətbuatına istinadən verdiyi məlumata görə, hadisə Lissabonun cənubunda okean sahilində baş verib. Hadisə nəticəsində 1 nəfər ölüb, 5 nəfərin taleyi haqqında məlumat yoxdur.
Lissabon universitetlərindən birində oxuyan tələbələr Setubal yarımadasında, Sezimbra şəhəri yaxınlığında villa icarəyə götürüblər. Yerli hökümət nümayəndlərinin sözlərinə görə, gənclər okeanın sahilində olarkən hündür dalğa onları okeana aparıb.
Zərərçəkmişlərdən biri sahilə qədər üzüb və köməyə çağırıb. Xilasedicilər sudan 1 nəfər tələbənin meyidini çıxarıb. Qalan tələbələrin axtarışı davam edir. Əməliyyata hərbi helikopter də cəlb edilib.
Mənbə: ANS PRESS