Mərkəzi Neftçilər Xəstəxanasında həyəcan

Bu gün səhər saat 08:30 radələrində Bakıda, Mərkəzi Neftçilər Xəstəxanasında həyəcanlı anlar yaşanıb. Xəstəxananın baş həkimi Leyla Seyidbəylinin ANS PRESS-ə verdiyi məlumata görə, xəstəxananın birinci mərtəbəsində boş otaqların birində elektrik xəttində qısaqapanma olub.

Hadisə qızdırıcı sobanın elektrik xəttinə qoşulması zamanı yaranıb. Tüstüləmə zamanı bir az təşviş yaşansa da, problem həll olunub.

Yanğınsöndürənləri səyi nəticəsində alovun qarşısı alınıb. Hazırda elektrik xətləri bərpa olunacaq. Hadisə nəticəsində heç bir kəs xəsarət almayıb.

Mənbə
ANS PRESS