Bu da ideya “azadlığ”ı: “Lə iləhə illəllah” sözü artıq ayaqqabıya yazılır

Üzərində kəlmeyi-tövhid yazılan ayaqqabı Səudiyyə Ərəbistanında satışa çıxarılıb.

Türkiyə mətbuatı bildirir ki, Səudiyyə Ərəbistanında fəaliyyət göstərən ayaqqabı firması üzərində “Allahdan başqa haqq məbud yoxdur” ifadəsinin yazıldığı yeni idman ayaqqabılarını satışa çıxarıb.

Firmanın “fikir azadlığı” hüququna etiraz edən Ciddə şəhər sakinləri sözügedən ayaqqabıların satışının dərhal dayandırılmasını tələb ediblər. “Əl-Yovm” qəzetinin xəbərinə görə, şəhər sakinləri Ticarət və Sənaye Nazirliyinə müraciət edərək, ayaqqabının satışının dayandırılmasını istəyiblər.

Məlumat üçün deyək ki, Səudiyyə Ərəbistanından əvvəl Birləşmiş Ərəb Əmirliklərinin İqtisadi İnkişaf Nazirliyi üzərində Allahı təhqir xarakterli ifadələrin yer aldığı 21 ədəd qadın ayaqqabısını satışdan çıxarmışdı.

 

 

 

/azerimuslims/