• 29 Mart 2024

Dövlət Komitəsinin sədri Mübariz Qurbanlı Osman Nuri Topbaşla görüşüb

dqdk topbasDövlət Komitəsinin sədri Mübariz Qurbanlı Osman Nuri Topbaşla görüşüb

 

Aprelin 27-də Dini Qurumlara İş üzrə Dövlət Komitəsinin sədri Mübariz Qurbanlı  türkiyəli ilahiyyatçı Osman Nuri Topbaşın rəhbərlik etdiyi nümayəndə heyətini qəbul edib.
Qonaqları səmimi salamlayan Dövlət Komitə sədri bildirib ki, Azərbaycanla Türkiyə dost və qardaş ölkədir. Ulu Öndər Heydər Əliyevin qeyd etdiyi kimi, Azərbaycan-Türkiyə bir millət iki dövlətdir. Komitə sədri vurğulayıb ki, istər sovet dönəmində, istərsə də müstəqillik dövründə Ulu Öndər Heydər Əliyev hər zaman dinə həssas yanaşıb. Ümummilli Lider hakimiyyətə gəldikdən sonra yeni məscidlərin tikintisinə və tarixi-dini abidələrin bərpasına böyük diqqət ayırıb. Bu gün də Prezident cənab İlham Əliyev bu siyasəti uğurla davam etdirir. Ölkəmizdə tarixi məscidlər bərpa olunur, yeni məscidlər inşa olunur. Bu yaxınlarda Qafqazın ən böyük məscidi olan Heydər məscidi istifadəyə verildi və bu bütün Qafqaz müsəlmanları üçün mühüm hadisəyə çevrildi. Azərbaycan dövlətinin din siyasəti təkcə müsəlmanlar üçün deyil. Digər dini konfessiya nümayəndələri üçün də eyni şərait yaradılıb. Ölkəmizdə yeni sinaqoqlar, kilsələr tikilir və bərpa olunur.
Səmimi qəbula görə təşəkkür edən Osman Nuri Topbaş qeyd edib ki, Azərbaycana səfəri zamanı ölkəmizin çox sürətlə inkişafının şahidi olub. İslamın maarifçilik və haqq dini olduğunu vurğulayan Osman Nuri Topbaş bu gün dindən siyasi məqsədlər üçün istifadə edildiyini və bunun çox acı nəticələrə gətirib çıxarığını bildirib. İslamın ədalət, sabitlik və səadət dini olduğunu  dünyaya yenidən anladılmasının vacibliyindən danışıb.
Mənbə:

Read Previous

Dünyanın qızıl nisbət nöqtəsi Məkkədir (video)

Read Next

May 2015

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.