“Fələstini yox edəcəm”

İsrailin baş naziri yenidən iqtidara gələcəyi təqdirdə Fələstin adlanan bir dövlətin olmayacağını bildirib.

ANS PRESS-in məlumatına görə, İsrailin baş naziri Binyamin Netanyahu seçkiqabağı “Maariv” qəzetinə gündəmi zəbt edəcək açıqlamalar verib.

Açıqlamalardan ən iddialısı isə iqtidara gəldikdən sonra Fələstinin yox edilməsi olacağını söyləməsidir.

“Mən iqtidarda olduğum müddətdə Fələstin deyilən bir dövlət olmayacaq. Kim Fələstinin qurulması üçün nəsə etsə, buralardan (Fələstin torpaqları) çıxmağa çalışsa, bu torpaqları radikal islamçı terrorçuların İsrailə qarşı hücumları üçün tərk etmiş hesab ediləcək” – deyə B. Netanyahu müsahibəsində bildirib.

Bundan başqa o, iqtidarda qalacağı halda Qüdsdə minlərlə ev inşa etdirəcəyini, əbədi paytaxt adlandırdığı şəhərin inkişafına dəstək olacağını sözlərinə əlavə edib.

Mənbə
ANS PRESS