Müşfiq Xəlilov 
Almaniyanın paytaxtı Berlində sosial məsafə səbəbilə məscidə sığmayan müsəlmanlar cümə namazını kilsədə qıldılar.
Reutersin xəbərinə görə, Berlinin Neykoln (Neuköln) rayonundakı “Darussalam” məscidində tətbiq edilən sosial məsafə qaydası səbəbilə bu məbədə sadəcə 50 nəfər yerləşib. Bundan sonra yaxınlıqda olan “Marta Lüteryan” kilsəsinin rəhbərliyi ramazan ayı müddətində öz əsas binasını müsəlmanların ibadət etməsi üçün təsis edib.
Məscidin imamı Muhamməd Taha Sabri, bu pandemiyanın insanları birbirlərinə yaxınlaşdırdığını, böhranların insanları bir yerə topladığını deyib.
Kilsənin keşişi Monika Mattias isə azanın xoş təsiri altında qaldığını deyərək, ibadətdə iştirak etdiyini bildirib.
“İbadətdə mən də iştirak etdim. Dualarımı almanca oxudum. Moizədə deyilənlərlə razılaşırdım, çünki eyni qayğıları biz də yaşayırıq. Müsəlmanladan çox şey öyrənməliyik. İnsanların bir birlərinə qarşı bu cür hissləri olması gözəl şeydir.” – deyə Mattias bildirib.
Qeyd edək ki, kovid-19 virusu səbəbilə Almaniyada bir müddət bağlı qalan məbədlər, mayın 4-də sosial məsafə şərti ilə açılıb.
islamveirfan.com