Fərahim Əzizov 
Qəməri təqvimə görə, Ramazan ayından sonrakı ay Şəvval ayıdır. Bu ayda altı gün oruc tutmaq müstəhəbdir. Ayrı-ayrı günlərdə tutula bildiyi kimi, bayram günlərinin ardından ardarda tutulması daha da fəzilətlidir. Qəza, nəzir və s. oruclar da bu günlərdə tutularsa eyni savab əldə edilir. Əbu Əyyub əl-Ənsarinin (r.a) nəql etdiyi bir hədisdə belə buyurulur:
“Hər kim Ramazan ayını oruclu keçirər və arxasınca Şəvval ayından altı gün oruc tutarsa bütün ili oruc tutmuş olar olar.”[1]
Birə on qat əcr verilməklə Ramazan orucunun on aya, altı gün şəvval orucunun da altmış günə bərabər olduğu və beləcə bütün ilin oruclu keçirilmiş sayılacağı da rəvayət edilmişdir.[2] Çünki Qurani-Kərimdə:
“Kim yaxşı bir iş görərsə, ona həmin işin on qat əvəzi (savabı) verilər.”[3] buyurulmuşdur.
Digər tərəfdən adət halı səbəbi ilə Ramazan orucu qəzaya qalmış xanımların, altı günün qəzasını bu günlərdə tutmaları onlara da bu əcri qazandırır.
[1] İbn Macə, Siyam,33; Tirmizi, Səvm, 52.
[2] Züheyli, əl-Fiqhul-İslami və Ədillətuh, Dəməşq, 1405/1985, ll, 589
[3] Ənam, 6/160