Dəyanət BABAYEV 
Hər bir namazı, onun vaxtı girəndən sonra qılmaq lazımdır. Namazın vaxtı daxil olmazdan bir dəqiqə də olsa qabaq onu qılmaq batildir. Namaz vaxtının girdiyini bildirən əlamətlərdən biri də azandır. Lakin diqqət yetirmək lazımdır ki, bəzən məscidlər və dini icmalar fərqli vaxtlarda, öz düzgün saydıqları cədvəllərə əsasən azan səsləndirirlər. Bəzən məscidlərin azan vaxtları arasında bir neçə dəqiqə fərq olur. Həmçinin, hər hansı səbəb üzündən (məsələn, unutqanlıq, səhv) bir məscidin azanını vaxtından tez və ya gec verə bilərlər. İnsan düzgün saydığı namaz cədvəlinə əsasən ibadətlərini yerinə yetirə bilər. Amma bu zaman da ehtiyat üçün vaxtın üzərinə bir neçə dəqiqə gəlmək məsləhətdir.
Mənbə: islam.az