calal calalov 
Türkiyənin İstanbul şəhərində Beynəlxalq Quran müsabiqəsi keçirilib. Müsabiqə əsasən iki kateqoriadan, Quranı avazla oxumaq (Qarilik) və əzbər oxumaqdan (Hafizlik) ibarət olub. İyulun 5-də başlayan, İstanbulun “Fatih” və “Sultan Əhməd” camelərində keçirilən müsabiqədə 52 ölkədən 98 hafiz və qari iştirak edib.
Azərbaycan Hafizlər Cəmiyyətindən verilən məlumata görə, bu müsabiqədə ölkəmiz hər iki kateqoriya üzrə təmsil olunub. Cəmiyyətin sədri Əbdürrəhman Nuri bildirib ki, müsabiqədə Quranı avazla oxumaq üzrə Laçın Quliyev, əzbər kateqoriyasından isə Bakı “Göy məscid”in imamı hafiz Azər Nəfiyev ölkəmizi təmsil edib.
“Diyanet”in sədri professor Mehmet Görmez və münsiflər heyəti
Müsabiqə iştirakçıları Sudan, Səudiyyə Ərəbistanı, Küveyt və Türkiyədən olan münsiflər heytinin qarşısında öz qabiliyyətlərini nümayiş etdiriblər.
Qeyd edək ki, müsabiqənin hafizlik kateqoriyasında birinci yerə Türkiyə təmsilçisi Muhamməd Pilgir, 2-ci yerə Küveytdən Bədər Alalı, 3-cü yerə isə Nigeriyadan Adəm Muhamməd çıxıb.
Həmçinin Quranı avazla oxumaq kateqoriyasında ilk yerə İndoneziya təmsilçisi Taqdir Feriza Həsən, 2-ci yerə Filippindən Mokammed Nadbir, 3-cü yerə isə İran təmsilçisi Sadaqetkamlı Həbib çıxıb.
Hafizlərin mükafatlandırılma mərasimi
Dərəcə əldə edən hafizlərin və qarilərin mükafatlarını ötən gün cümə namazıdan sonra “Sultan Əhməd” camesində Türkiyə prezidenti Rəcəb Tayyib Ərdoğan verib.
Mənbə: