calal calalov 
Əbu Hureyrə radiyallahu anh, ibadətlərində ixlası tərk edib, mənlik və həvəslərini önə çıxardan kəslərin aqibəti haqqında Həzrət Peyğəmbər səllallahu əleyhi və səlləmin belə buyurduğunu xəbər verir:
“Qiyamət günü hesaba çəkilmək üçün, şəhid olmuş bir nəfər Allahın hüzuruna gətirilir. Allah Təala, ona verdiyi nemətləri xatırladır, o da xatırlayır və bu nemətlərin ona verildiyini etiraf edir. Cənabi–Haqq:
«– Yaxşı, bəs sən bunun qarşılığında nə etdin?» Buyurur.
O kimsə:
«– Şəhid olana qədər Sənin uğrunda cihad etdim.» Deyə cavab verir.
Cənabi–Haqq:
«– Yalan deyirsən. Sən, sənə nə qəhrəman adamdır desinlər deyə savaşdın, o da sənə deyilmişdir. »Buyurur. Sonra Allahu təalə əmr edər və o adam üzüstə sürüklənərək Cəhənnəmə atılar.
İkinci dəfə elm öyrənmiş, öyrətmiş və Quran oxumaqla məşğul olmuş bir adam hüzura gətirilir. Allah Təala ona da verdiyi nemətləri xatırladır. O da xatırlayır və etiraf edir. Ona da:
«– Yaxşı, bəs sən bu nemətlərin qarşılığında nə etdin?» Deyə soruşulur.
O da belə cavab verir:
«– Elm öyrəndim, öyrətdim və Sənin razılığın üçün Quran oxudum.» Cavabını verir.
Cənabi–Haqq:
«– Yalan deyirsən. Sən, sənə alim desinlər deyə elm öyrəndin, nə gözəl oxuyur desinlər deyə Quran oxudun. Bunlar da sənin haqqında deyildi. »Buyurur. Sonra Allahu təalə əmr edir və o adam da üzüstə sürüklənərək Cəhənnəmə atılır.
Daha sonra Allahın hüzuruna, var dövlət və imkan sahibi olan bir adam gətirilir. Allah Təala verdiyi nemətləri ona da xatırladır. O da verilən nemətləri xatırlayar və etiraf edir.
Cənabi–Haqq:
«– Yaxşı, bəs sən bu nemətlərin qarşılığında nə etdin?» Buyurur.
O şəxs:
«– Sənin verdiyin nemətləri, sənin verilməsini istədiyin yerlərə verməkdən çəkinmədim, yalnız sənin rizanı qazanmaq üçün verdim, xərclədim.» Deyir.
Haqq Təala:
«– Yalan deyirsən. Sən, sənə “nə comərd adamdır” desinlər deyə bu əməlləri etdin. Bu da sənin üçün deyilmiş oldu. »Buyurur. Sonra Allahu təalə əmr edir və o adam da da üzüstə sürüklənərək Cəhənnəmə atılır.
(Müslim, Abadlığa, 152)