• 29 Mart 2024

DANIŞIQ MƏDƏNİYYƏTİ

İnsan sözə başlamadan əvvəl fikirləş­mə­lidir:
  Nə danışıram?  Niyə danışıram? Necə danışmalıyam?

Bundan sonra insan öz fikrini müəyyən istiqamətdə, tərzdə və xüsusi şəkildə ifadə ilə izah edə bilər. Nə da­nış­dığını bilməyən, lazımsız, mənasız danışan ada­ma heç kim qulaq asmaz.

Bir şey izah edərkən danışanın çox vaxtı, təkrar oxu­ma və düzəltmə  imkanı olmaz. Buna görə  də üsuluna uyğun və təsirli nitq söyləmək, yazı yazmaq­dan daha çətindir. Gözəl və təsirli danışmaq istəyənlər aşağıdakı qaydaları oxuyub lazımınca tətbiq etmələri məsləhədir.

  •  Əvvəlcə dinləməyi öyrənmək lazımdır. Ən gözəl natiqlər məhz ən gözəl dinləyicilərdir. Qarşındakını tam və axıra kimi dinləmək böyük qabiliyyətdir. Başqalarını dinləməyinin, özünü dinləmələrini tələb etməsi doğru  deyildir.
  • Danışmadan əvvəl yerin, vaxtın və vəziyyətin uyğunluğuna bax. Qarşındakı insana uyğun, onu maraqlandıracaq mövzu seçin. Boş-boş danışmaqla qarşınızdakı insanı daha da özünüzdən uzaqlaşdırmış olarsınız.
  • Düşüncələrinizin  hamısını söylə­mə­yin, amma söylə­dik­lə­rinizin hamısını əvvəlcədən düşünün. Söyləyəcək sözünüz olmadığı zaman susmağı bilin.. Unutmayın ki, danışmaq gümüşsə, susmaq qızıldır.
  • Qarşınızdakı adama  dəyər verin və onun fikirlərinə hörmətlə yanaşın.
  • Sözünüzü qısa kəsin. Lazımsız sözlərlə qarşınızdakını bezdirməyin. Çatdırmaq is­tə­diyiniz fik­ri mümkün qədər aydın tərz­də ifadə edin. Uzun ifadələr səbrin daşmasına və əsas möv­zu­nu an­lamamağa səbəb ola bilər.
  • Ətrafınızdakı insanlara tez-tez nəsihət verməyə çalışmayın. Bir mövzuda fikriniz soruşularsa o zaman münasibət bildirn.
  • Danışarkən sözlərin tələffüz qaydalarına riayət edin. Mənasını bilmədiyiniz sözlər işlətməyin.
  • Özünüzə güvənin, rahat olun amma səmimilikdən də uzaqlaşmayın.

Unutmayın! Sadaladığımız bu qaydaları həyatına tətbiq edən hər kəs, gözəl danışmaq üçün ciddi şəkildə səy göstərmişdir.

Çalışmaq bizdən, müvəffəqiyyət isə Allahdandır.

Read Previous

Cizgi filmlər uşaqlara necə təsir edir? -Valideynlər diqqət!

Read Next

İslam dini birlik və bərabərlik dinidir

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

This site uses Akismet to reduce spam. Learn how your comment data is processed.