Hafizlik Bağından Bir “GÜL” Daha

      Azərbaycanın mənəvi gül bağçalarından – İslam Mənəviyyat ocaqlarından biri olan Şəki İslam Mədrəsəsində (ŞİM) bir gül daha yetişdi. 1992-ci ildən bəri fəaliyyətdə olan bu mədrəsədə günümüzə qədər yetişən hafizlərin sayına bir nəfər daha əlavə olundu. Bu, Ağdaş rayon Abad kənd sakini olan Məmmədov İslam İsmayıl oğludur. 1999-cu ildə anadan olan İslam ömrünü dinimizə uyğun şəkildə yaşamağa səy göstərmişdir. 2011-ci ildə mədrəsəyə daxil olan İslam təməl dini elmlərə sahib olduqdan sonra yəni  2012-ci ildə hafizliyə başlamış, 2013-cü il Noyabr ayının 7-də müvəffəqiyyətlə hafizliyini bitirmişdir.

Qeyd edək ki, hafizin müəllimi 2012-ci ildə yeni vəzifəyə başlamış Hafiz Elşad Şahmurovdur. Və bu hafiz müəllimin yetişdirdiyi ilk hafizdir.

Hafiz Məmmədov İslamı Şəki İslam Mədrəsəsi kollektivi adından təbrik edir, həyat boyu müvəffəqiyyətlər arzulayırıq.