İsraildən dəhşətli vəhşilik

İsraildə milliyyətçi kimi tanınan siyasətçi Mikail Ben Arinin “Facebook”a yerləşdiyi görüntüdə 16 yaşlı fələstinli Həmzə Əbu Haşimə iki əsgər itinin hücum etdiyi yer alıb.

Ben Ari videonun altına yazdığı şərhdə “Əsgərlər, kiçik terrorçuya dərs verir” sözləri böyük narazılıq yaratdığından milliyyətçi siyasətçi həmin görüntünü silmək məcburiyyətində qalıb.

Paylaşılan videoda saxlanılan fələstinli uşağın israilli əsgərlərin əlində olan itlərdən biri tərəfindən dişləməsi və uşağın əsgərlərdən kömək istədiyi görünür.

Videoda həmçinin İsrail əsgərlərinin qışqıraraq dediyi “İndi söylə kim qorxaqdır?” sözləri və fələstinli uşağın ağlaması da yer alıb.

İsrailin “Haaretz” qəzetinə danışan Həmzə Əbu Haşimin atası oğlunun daş atmaq səbəbindən İsrail əsgərləri tərəfindən ötən ilin dekabrın 23-də saxlanıldığını və ancaq həbsxanaya salınmazdan əvvəl it dişləməsi səbəbindən xəstəxnaya aparıldğını deyib.

Fələstinli uşağın anasının isə sözügedən görüntünü izləyəndən sonra özündən getdiyi bildirilir.

İsrailin hüquq müdafiəçiləri görüntüləri tənqid edərək əsgərlərin it dişləməsi üsulundan tez-tez istifadə etdiyini deyiblər.

İsrail Müdafiə Nazirliyi faktla bağlı araşdırmalara başladığını bəyan edib.

Digər tərəfdən İsrail ordusu, keçən dekabr ayında yaşandığı təsbit edilən hadisəyə bağlı istintaq başladıldığını açıqlayıb.

Dünya 19 saat öncə