![](https://minber.az/wp-content/uploads/2015/02/Allah-Muhammed.jpg)
![Allah Muhammed](https://minber.az/wp-content/uploads/2015/02/Allah-Muhammed-300x146.jpg)
Allah Təala, Rəsulullah (sav)-ə itaəti əmr etmişdir. Bir kimsə Allahın Rəsuluna (sav) itaət edərsə, Allah-Təalaya itaət etmiş olur. Çünki Allahın Peyğəmbərinə itaət edən bir kimsə, Allahın əmrinə tabe olmuş olar. Bir ayədə “Ey iman gətirənlər! Allaha, Peyğəmbərə və özünüzdən olan ixtiyar (əmr) sahiblərinə itaət edin! Əgər bir iş barəsində mübahisə etsəniz, Allaha və qiyamət gününə inanırsınızsa, onu Allaha və Peyğəmbərə həvalə edin! Bu daha xeyirli və nəticə etibarilə daha yaxşıdır.” (Nisa 59) buyurulur. Göründüyü kimi Allah Təala, Peyğəmbər (sav)-ə itaəti imanın şərtindən etmişdir. Hz. Peyğəmbər (sav), yalnız Allaha itaət əmr edir. Bu səbəblə bir kimsə Allahın Peyğəmbərinə itaət edər və onun əmrinə sarılsa Allahu təalaya itaət etmiş olur. Bəzi rəvayətlərdə izah edildiyinə görə Hz. Peyğəmbər (sav) Mədinədə ikən “Məni sevən, Allahı sevmiş, mənə itaət edən, Allaha itaət etmiş olur.” buyurmuşdur: Münafiqlər bu mövzuda Peyğəmbər (sav) ‘i ayıplayınca Allah Təalanın, Peyğəmbər (sav)–in sözünü yoxlamaq məqsədilə “Kim Peyğəmbərə itaət edərsə, Allaha itaət etmiş olur. Kim üz döndərsə, (bilsin ki) Biz səni onlara gözətçi göndərməmişik “ ayəsini indirmiştir.
“Allah və Onun Peyğəmbərinə itaət edin” ayəsində bildirilən itaət mövzusuna belə şərh verilmişdir: “Fərz qılınan şeylərdə Allaha, sünnə mövzusunda da Rəsulullah (sav)-ə itaət edin. Bir başqa şərh də “Allah kitabında əmr və qadağan etdiyi şeylər mövzusunda Allaha itaət edin. Peyğəmbər (sav)-in sünnəsində əmr və qadağan etdiyi mövzularda da ona itaət edin. Əmr etdiyi mövzularda Allaha, təbliğ etdiyi xüsuslarda Rəsulullah (sav) ‘e itaət edin.“
Hz. Peyğəmbərin açıqladığı, təbliğ etdiyi, buyurduğu, tətbiq və təsdiqlədiyi mövzularda ona itaət etmək möminlərin vəzifəsidir. Çünki o, din mövzusunda söylədiyi və etdiyi bütün işləri, vəhyin göstərişi altında həyata keçirmişdir. Allaha və axirətə iman gətirənlərin onu nümunə alması, Quranın istədiyi ən əhəmiyyətli xüsusdur. Peyğəmbər (sav)-ə itaət etmədən, onun nümunə alınması və nümunə qəbul edilməsi mümkün deyil. Onu sevən, ona itaət edər, ona bağlanar və onun yolunda gedər. Ona itaət edilmədən və onun sünnəsinə tabe olunmadan, onun sevgisinə nail oluna bilməz.
Allaha və Onun Peyğəmbərinə itaət edən kəslərin böyük bir müvəffəqiyyət qazanacaqları, qurtuluşa çatacaqları, cənnəti qazanacaqları müxtəlif ayələrdə belə ifadə edilir:
“Allaha və Onun Peyğəmbərinə itaət edənlər, Allahdan qorxub çəkinənlər – məhz belələri uğura çatanlardır (əbədi səadətə – Cənnətə qovuşanlardır).” (Nur 52) “(Əgər belə etsəniz, Allah) əməllərinizi islah edər və günahlarınızı bağışlayar. Hər kəs Allaha və Peyğəmbərinə itaət etsə, böyük bir səadətə (Cənnətə) nail olar.Biz əmanəti (Allaha itaət və ibadəti, şəri hökmləri yerinə yetirməyi) göylərə, yerə və dağlara təklif etdik. Onlar ona yüklənməkdən (götürüb özləri ilə daşımaqdan) qorxub çəkindilər. Ona insan yükləndi. Həqiqətən, o çox zalım, çox cahildir. (İnsan bu ağır əmanəti götürməklə özünə zülm etdi və cahilliyi üzündən onun çətinliyini, ağır nəticəsini bilmədi). “(Əhzəb 71-72). (Cihada getməməyə görə) kora günah gəlməz, topala-şilə günah gəlməz, bir də xəstəyə günah gəlməz. Kim Allaha və Peyğəmbərinə itaət etsə, (Allah) onu (ağacları) altından çaylar axan cənnətlərə daxil edər. Kim (onlardan) üz döndərsə, (Allah) onu şiddətli bir əzaba düçar edər! “(Fəth-17)
Yuxarıdakı ayələrdən açıqca aydın olacağı üzrə möminin, həm fani dünyada müvəffəqiyyət qazanması, həm də axirətdəki əbədi səadəti əldə etməsi ancaq Allah və Onun Peyğəmbərinə itaət etməklə mümkündür. Rəsulullah (sav)-ə itaətin olmadığı yəni sünnənin tərk edildiyi bir İslami həyat düşünülə bilməz. Quran, onun sünnəsi sayəsində aydın bir həyat kitabı olur.