calal calalov 
10 Məhərrəm (Aşura) günü, içərisində böyük təcəllilərin yaşandığı bir gündür:
Həzrəti Adəm əleyhissalamın tövbəsi bu gündə qəbul edilmişdir. Demək ki bu gün tövbə–istiğfar günüdür.
Həzrəti Nuh əleyhissalamın tufandan xilas olub, gəmisinin salamata çatdığı gündür. Demək ki bu gün Nuh əleyhissalamın 950 il çəkən çətinliklərlə dolu təbliğ həyatındakı səbir və sebatını təfəkkür günüdür.
Həzrəti İbrahim əleyhissalamın Nəmrudun atəşinə atılıb Cənabi-Haqqın lütfü ilə qurtarıldığı gündür. Demək ki bu gün Haqqa dostluq yolunda qarşılaşdığımız ilahi imtihanlardaki halımızı hesaba çəkmə günüdür.
Həzrəti Musa əleyhissalamın Fironun zülmündən xilas olduğu gündür. Demək ki, bu gün, böyük səadətin, böyük əziyyətlərin ardında olduğunu dərk etmə günüdür.
Həzrəti Əyyub əleyhissalamın xəstəliklərdən xilas olduğu gündür. Demək ki, bu gün, ilahi imtahanlar qarşısındakı səbir, riza və şükür halımızı nəzərdən keçirmə günüdür.
Həzrəti Hüseyn (ra) əfəndimizin şəhadəti günüdür
Bu gün, İslam tarixinin gördüyü ən acı fəlakətlərdən biri olan, Peyğəmbər Əfəndimizin əziz nəvəsi Həzrəti Hüseyn (ra) -ın vəhşicəsinə qətlə yetirildiyi gündür. Digər bir ifadəylə İslamın bağrına xəncər vurulduğu bir gündür. O mənfur cinayətə, hansı məzhəbdən olursa olsun hər müsəlmanın ürəyi fəryad halındadır. Bu barədə ümmət–i Məhəmmədin birlik və bərabərliyini zədələyəcək tərzdə quru çəkişmələrə girmək, ən başda o əziz şəhidlərin mübarək ruhlarını incidəcək hərəkətlərdir. Bu səbəbdən bu gün; “Möminlər ancaq qardaşdırlar! ..” (Əl–Hucurat, 10) hökmü ətrafında, bir və birlikdə olma günüdür.
mənbə: