calal calalov 
Dövrün Əbu Cəhillərinin, Əbu Ləhəblərinin, Peyğəmbər Əfəndimiz səllallahu aleyhi və səlləmə təhqir etmələrində təəccüblü bir şey yoxdur. Çünki oğrunun, işi həmişə zərgər dükanını soymağa çalışmaqdır. Meyvəli ağac, daşlanar. Dünənin Əbu Cəhillərindən bugünkülərə qədər bütün cahil topluluqlar tərəfindən Əfəndimiz səllallahu əleyhi və səlləmin həyatı və şəxsiyyəti ən kiçik təfərrüatına qədər araşdırılmış, ancaq tənqid edilə biləcək heç bir xüsus tapılmamışdır.Belə olunca da kinlərini yatırda bilmək üçün böhtan və təhqirdən başqa çarə tapa bilməməkdədirlər. Haqq ilə batilin mübarizəsi qiyamətə qədər davam edəcəkdir.
Çünki tarix təkrar təkrar səhnəyə qoyulan bir teatr oyunu kimidir. Oyunçular dəyişsə də, ssenari dəyişməz. Minlərlə il əvvəl Həzrəti İbrahimə, Həzrəti Musaya iman etməyən, onları yalançı hesab edən zalım və həyasız Nəmrud və Fironların aqibəti ilə, Fəxri–i Kainat Əfəndimizə eyni əziyyət və təhqirlər edən Əbu Cəhilin, Əbu Ləhəbin aqibəti eyni olmuşdur. Hər zaman, Haqqa düşmənçilik edənlərin aqibəti eyni olacaqdır.
Belə olan halda qarşımıza belə bir sual çıxır:
Bu böhtanlar qarşısında biz ümməti Məhəmməd olaraq nə etməliyik? Onlar, bu təhqirlərlə, Əfəndimizin həqiqətini pərdələmək istəyirlər. Çıxardıqları səs-küylə Quran kəlamının eşidilməsinin qarşısını almaq istəyirlər. Ortaya qoyduqları görüntü kirliliyi ilə, mübarək nurdan insanların gözlərini uzaqlaşdırmaq istəyirlər.
O halda, bizim etməyimiz lazım olan; Fəxr
i Kainat Əfəndimizin nümunə şəxsiyyətini və müstəsna əxlaqını halımızla, və yaşayışımızla təmsil edərək insanlığa gözəl nümunə olmaqdır.mənbə: