Araz İbrahimli 
Qurtuluşa çatanlar Qurani kərimdə “fələh”, “iflah”, “feyz” və “məfazə” qavramları ilə ifadə edilmişdir.
Arzusuna nail olmaq mənasındakı “f-l-h” kökündən gələn “iflah” kəliməsi istədiyini əldə etmək, qurtuluşa çatmaq, qorxduğu şeydən və çətinlikdən qurtulmaq, axirətdə cənnətə qovuşmaq; “feyz” və “məfaz” isə bir şeyi əldə etmək, şerdən qurtulmaq deməkdir. Quranda qurtuluşa çatan kimsələr “muflih” (cəm-muflihun), “fəiz” (cəm-fəizun) olraq ifadə edilmişdir.
Bir insanın qurtuluşa çatması ilk öncə mömin olması lazımdır. Mömin olmaq qurtuluşa çatmanın ən başlıca şərtidir (muminun, 23/1). Digər şərtlər əlavə vəsflərdir.
İndi isə Quranda “muflihun” və “fəizun” (qurtuluşa çatan kimsələrin hansı özəlliklərə sahib olduqlarına baxaq:
-( şirk,küfür və və nifaqdan) təmizlənən kimsələr (Şəms,91/9).
-Allaha qarşı gəlməkdən çəkinən möminlər (Bəqərə,2/189).
-Səbirli möminlər (Ali İmran,3/200).
-Malları və canlarıyla Allah yolunda çalışan möminlər (Tövbə,9/88).
-Allaha yaxınlaşmağa yol axtaran möminlər (Maidə,5/35).
– İçki,qumar,şans oyunları və bütlərdən uzaq duran möminlər (Maidə,5/90).
-Allahın nemətlərini xatırlayan (nemətləri verənin Allah olduğunu bilən) möminlər (Araf,7/69)
-Allahı çox zikr edən möminlər (Nur,24/31).
-İbadət edən möminlər (Hacc,22/77).
-Xeyir iş görən möminlər (Hacc,22/77).
-Tövbə edən,Allaha yönələn möminlər (Nur,24/31).
-Allahın verdiyi rizqi Allahın yolunda infaq edən möminlər (Bəqərə,2/4).
-İnsanları xeyirə çağıran möminlər (Ali İmran,3/104).
-Yaxşılığı əmr edib,pislikdən uzaqlaşdıran möminlər (Tövbə,9/71-72).
-Peyğambərimizi dəstəkləyən və ona (dininə) kömək edən möminlər (Araf,7/157).
-Qurana uyan möminlər (Araf,7/157).
-Allaha və peyğambərinə itaət edən möminlər (Nisa,4/13).
-Allahdan qorxan möminlər (Araf,7/157).
-Xeyirli işləri ən gözəl şəkildə yerinə yetirən möminlər (Loğman,31/3-5).
-Ləğviyyatdan (dünya və axirətdə faydası olmayan söz, fel və davranışdan) üz çevirən möminlər (Muminun,23/3).
-Irzlarını qoruyan (zina etməyən) möminlər (Muminun,23/5).
-Nəfsini cimrilikdən qoruyan möminlər (Haşr,59/9).
-Allah yolunda savaşan (dövrümüzdə ən böyük savaş insanın öz nəfsi ilə mübarizəsidir) möminlər (Tövbə,9/100).
-Fərz,vacib,sünnət və ədəblərinə riayət edərək,heç ara vermədən namazlarını qılan möminlər (Muminun,23/2,9).
-Zəkat verən möminlər (Loğman,31/4-5).
-Əmanətlərə və əhdlərə (Allaha və insanlara verdiyi sözlərə,sözləşmələrə) əməl edən möminlər (Muminun,23/8).
-Allah tərəfdarı olan möminlər (Mücadələ,58/22).
-Mizanda (əməllərin ölçüldüyü axirət tərəzisində) savabı ağır gələn möminlər (Araf,7/8).
Bu şərtləri toplu olaraq dəyərləndirsək “Qurtuluşa çatanlardan” ola bilmək üçün iman edib Allaha və Peyğambərinə (s.ə.s) itaət etmənin gərəkli olduğunu görərik. Allahu təala hər birimizi qurtuluşa çatmışlardan etsin.